Es läuft immer etwas bei uns,am karli geht es sehr gut und schon bald ist er 3jahre bei uns! wir waren mal wieder an einem Hunderennen und der Karli wurde stolzer 4ter Rang, am Schluss wie man sieht auf Foti habe ich ihn getragen!!!nein so schlimm war`s ja nicht und er machte das mehr als sehr gut, es regnete nämlich den ganzen lieben tag lang und ihm war doch das egal! so ein glücklicher Hund ist unser Karli, er weiss es auch wie er die Leute motivieren kann, weil wir waren mal wieder im Engadin in den Ferien am wandern! Karli war wieder sehr aktiv mit seinem Ball und das allergrösste war, da war ein Fischer am fischen, er stellte seine Rute in die erde und spielte mit Karli! zuerst wars mir sehr peinlich, doch Karlis scharm ist unglaublich und der Fischer sagte, dass er zeit habe bis ein Fisch an der Angel sei!!herzig gell!!
Ich habe also manchmal schon gedacht, ufpasse suscht chlaut eus na eine de Karli!!

Ja, wir sind sehr glücklich mit unserem Sonnenschein und er bringt so viel Leben in das unsere, seine Kollegen Fara und Suri liebt er über alles, mit Fara die Eichhörnli begucken oder die Mauslöcher zusammen und mit dem kleinen Suri spielt er jeden abend ganz lautlos und luschtig!!!!!

Grüessli Eurä Karli

Hallöchen da isch
wiederemal dä Karli,
mir gahts sehr guet und ich han immerna d Balle uu gern so wi mini zwei kollege dä Suri und d Fara!
isch ap und zue dä summer echli strub zue und her gange,allpot isch sonens Hundeli it Ferie cho zu eus und ich han d balle müesse teile!!hm isch nid immer so eifach gsi für mich und jez isches wieder ruiger worde!!Ich gnüsses die schöne spaziergäng immer wieder und ich han scho paarmal ganz elei dörfe uf Konstanz mitgah und das isch für mich amigs so läss!Ich han auna es paar neui fotis und schicke eu ganz liebi wuff wuff grüessli dä Karli

da isch dä karli!!
ich han mal fotis vo minere ganz guetä liebä fründin wele schickä!sie heisst eysha und isch eifach mini beschti fründin,natürlich isch mini far wine schwöschter,doch ebe sone fründin zha isch e grosses glück!
ich chan guet spilä mitere und sie isch mit mir so e liebi,ja sogar ross stählä chani mitere!sie chunt amigs zu eus hei,ob das ferie sind oder eifach mal ufes bsüechli!!!!

d eysha isch hüt grad 9i und es grosses glück,dass ich sie dörf kännä!!!!

mir gahts ganz guet frau studer und mir isch das eigentlich eso glich,wänn sich dä früelig na chli verzögeret,han spass jede tag und gnüss mis wunderschöne hundeläbä!!!

ganz liebi grüessli dä karli und d familie

Hallöchen mitenand,

ich han en hufä wieder zum brichtä vo eusne super schöne ferie und ich ghörs immer wieder sehr gern,wänn mini bsitzer es gschichtli dä lüt münd verzelle wer ich bin!!ich has doch gschaft vomä spanische-strassehündli zumä fascht star z werde!!kän witz,ufem see in st,moritz isch en maa zu eus cho und hät mini meischteri gfröget ob ich dä karli seg!!da stuuuned ihr gäll?ja ja sie händ mich na kännt vom letschte jahr und sogar fotis hegets vo mir gmacht!!jupidu!!ich bin so fröhlich und han ja so en ganz guetä ball damal mitgno,sodass alt und jung mit mir spilä chönd!!di einte spatziergänger wänd amigs nid mir dä ball rüerä,doch ich find immer wieder es opfer!!mini zwei kollege,fara und suri sind immer debi und understüzed mich wänns zvill wirt!!!ich liebä mis hundeläbä und findes ganz toll idä bergä!!ich hoff,dass mir gli gli wiedermal chönd gah und en ganz liebe riesechnudel vo mir dä

KARLI

ÜSER STAR " KARLI "

wuff wuff da isch dä karli!!!ich han mich ganz fescht bi eu welle bedankä,dank eu bini a mim super platz und das scho gli es jahr!!!!mir gahts ganz guet und ich hans sehr schön!
bin also au en ganz en liebä und folgä chani au ganz guet!!!ich hoff,dases mine 4beinigä kollege au guet gaht i all denä heim und wünsch allnä au ganz viel viel glück im wunderschöne hundeläbä!!!

Dank den lieben neuen Besitzern, die uns immer wieder mit den neusten Fotos verwöhnen, bekommt nun auch KARLI, seine eigene Seite. Ich bin überglücklich, dass wir für KARLI so einen super guten Platz gefunden haben.

HERZLICHEN DANK